11 сентября в 12:00

Фото: 1

ТАНЫШ БУЛЫЙК: Гөлия Насретдинова Гөлия "Түбән Кама шин" җәмгыятенең сыйфат бүлеге инженер-технологы. 🛞Шина комплексында хезмәт эшчәнлеген 1993 елда башлаган. 62нче училищены тәмамлаган Гөлия җыю цехында покрышкалар җыйган. Смена мастеры вазыйфаларын да башкарган. Күпләрнең остазы булган. 🎓Эш белән берүк вакытта Казан дәүләт университетын тәмамларга өлгергән. Грамоталы белгечкә цех җитәкчелеге инженер-технолог вазыйфаларын ышанып тапшыра. Берничә елдан сыйфат бүлегенә күчерәләр. Хәзер дә шунда хезмәт куя. 🏅Гөлия җәмәгать эшләрендә актив катнаша. Хезмәтне саклау буенча вәкаләтле вәкилләр арасында иң тәҗрибәле хезмәткәр. Конкурсларда призлы урыннар ала. Коллективында аның белән горурланалар. #KAMATYRES #НКШ #СыйфатБүлеге #ГөлияНасретдинова #Остаз

11 сентября в 09:00

Фото: 2

Август аеның иң яхшы сменалары Түбән Кама йөк шиналары заводының август аенда нәтиҗәле эшләп, югары хезмәт күрсәткечләренә ирешкән сменалары ачыкланды. Махсус комиссия аларны сыйфатның төп күрсәткечләре - технологик режимны саклау, бракны киметү, планны үтәү буенча бәяләде. Иң яхшы сменалар Әзерләүләр цехы (катнаш шиналар агымы) "А" сменасы (белгеч Алмаз Төхфәтуллин) Вулканлаштыру цехы (автокамералар участогы) "В" сменасы (мастер Инна Нәфикова, белгеч Алсу Зарипова). Шунысын билгеләп үтәргә кирәк: вулканлаштыру цехы автокамералар участогының "В" сменасы коллективы быел 5 тапкыр (!) иң яхшысы дип табылган. Алдынгыларга киләчәктә дә яңа хезмәт җиңүләре телибез! #KAMATYRES #НЗГШ #Смена #Коллектив #Җиңү

11 сентября в 06:00

Фото: 1

Инвалидлар өчен булган урынга куйма! 📢Шина комплексының КПП-1 янындагы машина кую урынында (парковка) чираттагы кагыйдә бозу очрагы ачыкланган: сәламәтлеге буенча мөмкинлеге чикләнгән (ОВЗ) кешеләр машиналарын куя торган 4 урынның өчесенә тиешле күрсәткеч билгеләре булмаган машиналар куелган. Һәм мондый очраклар даими күзәтелә. ❗Хәтерегезгә төшерәбез: инвалидларның машина кую урыннарына махсус пропускысы булмаганнарның машиналарын куюы закон бозу гына (РФ административ хокук бозулар кодексының 12.19 маддәсе нигезендә, 5000 сум штраф һәм машинаны эвакуацияләү каралган) түгел, яклауга мохтаҗ кешеләрне санга сукмау да. 🛡Игьтибар: мондый очраклар кабат ачыклана икән, куркынычсызлык хезмәте кагыйдәләрне бозучыларга аңлату эшләре алып барырга мәҗбүр булачак. Ул гына да түгел: андыйларга карата дисциплинар чаралар күреләчәк. 📍Коллегаларыбызны машиналарны инвалидлар өчен каралган урынга куймаска чакырабыз! 🚫Үзең дә куйма, хезмәттәшең, танышыңны да туктат! Бер-беребезгә карата мәрхәмәтле, игътибарлы булыйк!❤

10 сентября в 12:00

Фото: 2

ТАНЫШ БУЛЫЙК: Гөлназ Ильина 🎓Тумышы белән Башкортстаннан булган кыз Түбән Камага килеп, 66нчы училищеда радиоэлектрон аппаратлар көйләүчесенә укый. 🛞Юллар аны "Түбән Кама шин" җәмгыятенә алып килә. Массакүләм шиналар заводының вулканлаштыру цехына КИПиА слесаре булып эшкә урнаша. 🧑‍💻Заводта эшли башлаган вакыттан төрле подразделениеләрдә хезмәт куярга өлгерә. Җыю цехында - җыю станокларын яңадан коручы, транспортлаучы, мастер, үзләштерү бүлегендә - инженер-технолог, әзерләүләр цехында инженер. 👏Кайда гына эшләмәсен, нинди генә вазыйфаны башкармасын, үзен тырыш, максатчан хезмәткәр итеп таныта. Игорь Гудков, әзерләүләр цехы белгече: - Ул җиһазларга хезмәт күрсәтү участогында эшли. Көндәлек эшнең өзлексез баруы, җайланма-җиһазларның төзеклеге аның тырышлыгына, эшне дөрес оештыруына бәйле. Гөлназ резина калдыкларын туплау, заводтан чыгару, утильләштерүгә озату өчен дә җаваплы. Боларны да бик төгәл башкара ул. 🏐Гөлназ активист. Спортны ярата. Волейбол, шашкалардан аерылмый. 🍎Бакча кишәрлекләрендә төрле җиләк-җимеш, яшелчәләр үстерергә өлгерә. Көз һәм кышларын кул эшләре белән шөгыльләнә, төрле рәсемнәр чигә. 🔥Тормыштан - ямь, эштән тәм табып яшәүче Гөлназның көйләнгән тормышы шулай дәвам итсен! #KAMATYRES #НКШ #ӘзерләүләрЦехы #ГөлназИльина #Үрнәк